Jerome's Latin Vulgate (405 A.D.)

2nd Psalms 60     

2nd Psalms (From the LXX)

Return to Index

Chapter 61

in finem pro Idithun psalmus David

nonne Deo subiecta erit anima mea ab ipso enim salutare meum

nam et ipse Deus meus et salutaris meus susceptor meus non movebor amplius

quousque inruitis in hominem interficitis universi vos tamquam parieti inclinato et maceriae depulsae

verumtamen pretium meum cogitaverunt repellere cucurri in siti ore suo benedicebant et corde suo maledicebant diapsalma

verumtamen Deo subiecta esto anima mea quoniam ab ipso patientia mea

quia ipse Deus meus et salvator meus adiutor meus non emigrabo

in Deo salutare meum et gloria mea Deus auxilii mei et spes mea in Deo est

sperate in eo omnis congregatio populi effundite coram illo corda vestra Deus adiutor noster in aeternum

verumtamen vani filii hominum mendaces filii hominum in stateris ut decipiant ipsi de vanitate in id ipsum

nolite sperare in iniquitate et rapinas nolite concupiscere divitiae si affluant nolite cor adponere

semel locutus est Deus duo haec audivi quia potestas Dei

et tibi Domine misericordia quia tu reddes unicuique iuxta opera sua

2nd Psalms 62

 

 

 

SpeakingBible Software © 2001 by johnhurt.com