Jerome's Latin Vulgate (405 A.D.)

2nd Psalms 135     

2nd Psalms (From the LXX)

Return to Index

Chapter 136

David Hieremiae super flumina Babylonis illic sedimus et flevimus cum recordaremur Sion

in salicibus in medio eius suspendimus organa nostra

quia illic interrogaverunt nos qui captivos duxerunt nos verba cantionum et qui abduxerunt nos hymnum cantate nobis de canticis Sion

quomodo cantabimus canticum Domini in terra aliena

si oblitus fuero tui Hierusalem oblivioni detur dextera mea

adhereat lingua mea faucibus meis si non meminero tui si non praeposuero Hierusalem in principio laetitiae meae

memor esto Domine filiorum Edom diem Hierusalem qui dicunt exinanite exinanite usque ad fundamentum in ea

filia Babylonis misera beatus qui retribuet tibi retributionem tuam quam retribuisti nobis

beatus qui tenebit et adlidet parvulos tuos ad petram

2nd Psalms 137

 

 

 

SpeakingBible Software © 2001 by johnhurt.com